fbpx

「離開唔係壞事, 留得低先係辛苦開始」,記毅行教室三課練習

「離開唔係壞事, 留得低先係辛苦開始」,記毅行教室三課練習
「離開唔係壞事, 留得低先係辛苦開始」,記毅行教室三課練習

早上八點, 毅行教室 練習相約在大埔碗窰集合,KK 先講解今日考試課程和規則。我最喜歡聽KK的開場白!

「今日係實習最後一節課,我地除左考實力仲會考品德,跑得幾快幾好,但品德唔好一樣唔收。本課完結後就會有成績,知道誰留誰去。無得留低的朋友,恭喜你脫離苦海!哈哈😆千奇唔好埋怨KK,更加唔好埋怨自己。今年唔得,下年可以再黎,山永遠係到,課堂每年都開。我會同你地鬥長命,只要一日我仲係到,就肯定會帶大家操山。今日考核路線全長30公里,第一圈20k中間無補給,要自己帶夠水。4小時40分鐘內要完成一圈回歸起點。 超過時限不需要再行第二圈了。 若果約左太太要練夠鐘數先可以回家的話, 你可以自己加操再上大帽山。」

毅行教室每次出發練習前,KK Sir 都會在講解路線和注意事項。
毅行教室 每次出發練習前,KK Sir 都會在講解路線和注意事項。

練習路線:

  • 第三課日期: 2022年6月5日
  • 第一圈:大埔碗窰—鉛礦凹—大帽山—施樂園—沿路折返碗窰; 20公里,爬升1200米。
  • 第二圈:大埔碗窰—鉛礦凹—四方山頂—折返。10公里,爬升700米。

給留下來的人

今日練習會分組,每組有教室師兄師姐帶領。考生不需要全程跟住,自己控制快慢行進速度。最重要認得路歸到終點。

由碗窰一直上到鉛礦凹,這條路第一次行。因為女士周期不適,這段路行得格外辛苦,一路行一路流汗,心跳好快,剛開始就氣來氣喘,不久後就連師兄師姐們車尾燈都見不到!後面隊友不斷超前,個個人好似食左大力菜,行進好快!不知是否大家都想在最後考試創做好時間,但我只好慢慢走,量力而行。

不久上到鉛礦凹,再由麥徑八段行上大帽山。越行越高,又越高越大霧,能見度只有2—3米。山上沒有遮蔽,風好大,吹到人都側了身。不過行得慢,就會覺得有點冷。

練習當天大帽山山頂有雨有霧
練習當天大帽山山頂有雨有霧
白茫茫的大帽山
白茫茫的大帽山

有見天氣不熱,我就一氣呵成攻上大帽山臨登頂前的三節長命斜。 只見快追到前面隊友,心想可以在下山時追到他們,但人算不如天算,下山跑時就腰痛小腹痛,想跑都跑不起來。最後只好急步走到山腰大閘轉入施樂園。 

路途上見到回程時的隊友和師姐:「終於見到你啦!嚇死我啦,你沒事吧??」真的好多謝你們的關心和鼓勵。

到達折返點時是11:05 。只要我回程時重整呼吸,在後面下山路可以慢跑回去,理應可以在截止時間前回到起點。我在下山時看到其他隊友已經出發去行第二圈,外星人級數的選手已經是第二個圈回程了!太癲! 👽

隊友們走第二圈,我還在第一圈爭扎中
隊友們走第二圈,我還在第一圈爭扎中

我用了4小時20分圈完成了第一圈。 Condy 在起點見到我後,立馬叫我加快!「裝好水,就好出發了,一路行一路再食啦!」我就好似趕鴨仔般被送出了補給站,連香蕉都沒有吃。好在我私家帶了支蔘蜜,還未融冰,可以一路行一路解暑!

再到鉛礦坳,整個人都似跳進水中再打撈上來。我心中七上八下,要不要繼續上山好呢?「辛苦來不知為乜?但行到這裡就放棄又好唔抵!要再玩又要等下年。」糾結了一下,我決定打開一包能量粉沖劑,飲完之後就索性一口氣衝上山。 「Now or Never 」永遠都是一念之間。 

上山之路,看到慢慢回程的隊友,他們都不斷和我打氣,這是最好的加速劑。 不一會看到教室的Kent 從後追上來,原來他們掃尾大隊長。他看到我叫我堅持上山,頂硬上,不要想太多無謂野。沿途教室的師兄師姐都在路上等待尾隊。他們在山上都凍到瑟縮一角。真的感謝他們的熱心,我行得慢心裡也有點過意不去。 

慢也有慢的好處

上山之路我又看到教室的Matt 師兄,他說KK 在前要轉角位。但轉了好多次都不見他,這又是山中三大騙局之一。 原來KK 在四方亭等到變了化石,他冒著風雨等待最後參加者。 Left No Man Behind 不只是軍隊格言,行山團隊合作,彼此照顧安全,齊整下山回家同樣重要。 

下山就是跑的時候了
下山就是跑的時候了

回程Kent 和Matt 一支箭的回去了,也許我行得太慢。 KK 看一看手錶:「慢慢跑回去啦,夠時間!」沿路他教我回何調整呼吸,減少橫隔膜痛楚,又教如何輕鬆上樓梯。這次是額外教授,真正袋錢入我袋!原來行得慢也有好處呢,哈哈😄!

最終第二圈用了三小時完成, 回到終點後大家都為我歡呼喝采,以為自己是跑到冠軍😂🏆。真的感到有點不好意思,但能夠完成,我都相當滿足!能夠重拾玩山的樂趣,即使最後是去或留,而不是最重要。能夠和大家一起在山野間相處和學習,用心去感受,就已經足夠。 

圖片鳴謝:毅行教室

更多有關毅行練習的內容:


Also published on Medium.

歡迎留言:

This site uses Akismet to reduce spam. Learn how your comment data is processed.