辛苦行來志在食，食好西的文章大家都好喜歡。上次試完八寶粥之後，今次就有試食叮叮滷肉飯。事緣一次毅行教室練習，我拿了一碗燒賣和一隻砵仔糕上車吃。之後毅行教室成員就和我事：「你食呢D 唔夠能量架！我地之前練習前都會去食飯。咁先至夠能量。」

我心想：「下？食飯！早上七時半食飯，我食唔落喎！」

教室：「食唔落都要食呀，之後你會頂唔順架。你信我啦，食完飯個感覺係唔同好多架。」

滷肉飯做早餐

小學時，媽媽都會在早上煮飯，我會先吃了一小碗飯才上學。不過中學之後，已沒有再食飯作早餐。由於毅行教室練習時間太早，餐廳都未有飯供應白飯，我唯有去便利店買了一盒叮叮飯盒。便利店的雪櫃內有炒飯、蒸飯，我就選了一個比較多汁的滷肉飯，多汁，比較容易嚥下。

熱辣辣的滷肉飯比我預期之中好味道。我慢慢食，最終都能整碗完成。

早上食飯對行山練習的好處

我在早上七時吃飽，練習在八時半開始，我有有一小時去消化。當我開始起步時，的確沒有「頂胃」的感覺，也有可能是飯份量不算太多。

之前早餐食點心或麵包，行了十來公里就會感到肚餓，唯有飲可樂或食糖果去供應糖份，但就不能滿足飽肚感覺。有時太餓，會感覺到雙腳無力，下樓梯時特別困難。不過今次早上吃了一碗飯「打底」，的確沒有肚餓的感覺，雙腳也沒有發軟。

還有一點，根據教室成員所講，因為白米都是日常主食，理應不會造成腸胃不適，那就可以免除了在比賽途中要找廁所的麻煩。

【行山食乜好】系列會不定期推出。下次練習前，我都會選食不同味道的飯盒，日後會再和大家分享更多試食心得。:)